FAQ

Түгээмэл асуулт, хариулт

Танд Монос Хүнс ХК-ий талаар асуух асуулт байгаа бол эхлээд манай түгээмэл асуулт, хариултнаас харна уу

Биологийн идэвхт хүнсний нэмэлт бүтээгдэхүүн гэж юу вэ?

Биологийн идэвхт хүнсний нэмэлт бүтээгдэхүүн гэдэг нь байгалийн гаралтай түүхий эд (амьтан, ургамал, эрдэс бодис) эсвэл түүнийг суурь бодис болгон технологийн хамгийн энгийн аргаар гаргасан бараг адил найрлагатай, хоол хүнсэнд хэрэглэх (иддэг) нийлмэл бодис юм.

Энхжин цайг жирэмсэн эхчүүд хэрэглэж болох уу?

Энхжин эрүүл мэндийн цайны найрлагад орсон эмийн ургамлууд жирэмсэн эмэгтэйн эрүүл мэндэд ямар нэгэн сөрөг нөлөөгүй боловч энэхүү бүтээгдэхүүн дээр жирэмсэн эмэгтэй ууж хэрэглэх үеийн судалгаа байхгүй учир хэрэглэхгүй гэсэн заалтыг баримтална.

Цай болон эрүүл мэндийн бэлдмэлээс хэдийг хэрэглэж байж нэг курс болох вэ?

Энхжин цайны хувьд 2 хайрцаг нь нэг курс болдог бол Цэнэг эрүүл мэндийн бэлдмэлийн тухайд 30 хоног хэрэглэж байж нэг курс болно.

Үр дүнгээ хэр хугацаанд өгөх вэ?

Бүтээгдэхүүн тус бүр харилцан адилгүй бөгөөд цай болон эрүүл мэндийн бэлдмэлийг тасралтгүй 1 сар хэрэглэхэд үр дүн мэдэгдэнэ.

Хаанаас худалдаж авах боломжтой вэ?

Монос эмийн сангийн бүх салбаруудаар болон хүнсний дэлгүүр, супермаркетуудаар худалдаалдаг. Мөн 20000₮-өөс дээш худалдан авалт хийх үедээ www.emonos.mn сайтаар захиалж хүргүүлэх боломжтой.

Ямар нэгэн харшил өгөх үү?

Бүтээгдэхүүний орц найрлагад орсон ургамлаас харшилтай биш бол элдэв төрлийн харшил өгөхгүй.

Бусад ижил төрлийн бүтээгдэхүүнээс юугаараа ялгаатай вэ?

Ижил төрлийн бүтээгдэхүүнээс ялгагдах гол онцлог нь цэвэр ургамлын орц найрлагатай бөгөөд амт, үнэр, өнгө оруулагч байхгүй кофеин агуулаагүйгээрээ давуу талтай.

Биологийн идэвхт хүнсний бүтээгдэхүүнийг хэдэн настай хүн хэрэглэх вэ?

Биологийн идэвхт бүтээгдэхүүнийг 3-с дээш насныхан хэрэглэх боломжтой.

Хөхүүл хүн ургамлын гаралтай цай хэрэглэж болох уу?

Монгол орны эмийн ургамлаар хийгдсэн цай тул хөхүүл эмэгтэйчүүд хэрэглэх боломжтой бөгөөд нярай хүүхдийн биед ямар нэгэн муу нөлөө үзүүлэхгүй. Харин Гоолингоо болон гэдэс цэвэрлэх цайг төрсний дараах 6 сараас хойш хэрэглэнэ гэсэн заалттай байдаг.

Хавдартай хүн ургамлын гаралтай цай ууж болох уу?

Хавдар бол маш хүнд өвчин учраас бие махбодод олон төрлийн өөрчлөлтүүдийг бий болгодог. Тиймээс эрүүл мэндийн цайг хэрэглэх шаардлагатай тохиолдолд эмчтэйгээ зөвлөлдөж хэрэглэх нь тохиромжтой.

Уушги цэвэрлэх цай ямар байдлаар уушгины бохирдлыг цэвэрлэдэг вэ?

Уушги цэвэрлэх цай нь уушги цэвэрлэхээс гадна эрүүл мэндийн байдлыг дэмжих АДЗХ -с хамгаалах гэсэн үйлдэлтэй байдаг. 5 төрлийн эмийн ургамал болон жимсний найрлагатай.

  • Чацаргана жимс нь эрүүл мэндийн хаан жимс бүх төрлийн витамин амин хүчил тосны хүчил агуулагддаг энэ нь эрүүл мэндийг дэмжих үйлдэлтэй
  • Чихэр өвсний найрлага дахь нэгдлүүд нь цэрнийзуурамтгай чанарыг багасгаж цэр гадагшлалтыг дэмжин уушги цэвэрлэх нөлөө үзүүлнэ
  • Ганга өвс нь АДЗХ-с урьдчилан сэргийлэх бага зэрэг цэр ховхлох үйлдэлтэй
  • Нохойн хошуу нь Антиоксидант, витамин С маш баялаг
  • Гүргэмнь биед орсон маш нарийн хортой нэгдлүүд нь уушгиар дамжин цусанд нэвтэрдэг.  Мөн бие мах бодийг хоргүйжүүлэх, цус цэвэрлэх үйлдэлтэй бөгөөд архаг бронхитыг  эмчилдэг.

Ургамлын цайг ямар хүн ууж болохгүй вэ?

Тухайн цайнуудын найрлагад орсон ургамлуудад хэт мэдрэг харшилтай хүмүүс, 3-аас доош насны хүүхэд, жирэмсэн эмэгтэйчүүд хэрэглэж болохгүй. Харин гоолингоо-тураах цай болон цэвэрлэх цайг 15 наснаас доош хүүхэд, ходоод гэдэсний хямрал, ходоодны улайлт шархлаа, шингэн алдалт суулгалт, хэвлийн хөндийн хурц үрэвсэл гэх мэт өвчний үед удаан хугацаагаар хяналтгүй хэрэглэж болохгүй.